Snimak kokošaka na TikToku pogledan više od 16 miliona puta: “Jeste li ikada vidjeli glitch u Matrixu?”
Hranila ih je i sve je bilo u redu, a onda su se zaustavile, istovremeno. Iako je ona pokušala da ih podstakne da nastave da se kreću, ignorisale su je. Djelovale su kao da nisu stvarna, živa stvorenja, nego kao da se radi pauziranom snimku
Kad napišemo da je jedan snimak kokošaka u dvorištu na TikToku pogledan više od 16 miliona puta, s pravom ćete se zapitati šta je na njemu toliko posebno.
Njihova vlasnica, korisnica kojoj je na toj društvenoj mreži ime Brianna Antoinette, kamerom je ulovila kako se one odjednom – ukoče. Hranila ih je i sve je bilo u redu, a onda su se zaustavile, istovremeno. Iako je ona pokušala da ih podstakne da nastave da se kreću, ignorisale su je. Djelovale su kao da nisu stvarna, živa stvorenja, nego kao da se radi pauziranom snimku.
@brianna_antionette
“Jeste li ikada vidjeli glitch u Matrixu?”, napisala je Brianna na snimku i pitala ljude mogu li joj ponuditi objašnjenje za ono čemu je svjedočila.
Neki su joj napisali kako je snimak lažan i da se ovo uopšte nije dogodilo, ali bilo je i onih koji su ponudili savršeno racionalno objašnjenje. Kokoške se, naime, od predatora na nebu brane tako što prestanu da se kreću i na taj način postanu manje uočljive, piše “Jutarnji list”. U blizini je bio jastreb, kako je kasnije pojasnila, za kojeg sumnja da je ugrabio pet njenih kokošaka.
“Nisam posve sigurna da je to taj ali, znate, da vama neko ubije sestre, pa njega ili nekog sličnog vidite na ulici, i vi biste se ovako ukočili”, pojasnila je Brianna u kasnijem snimku.
Foto: Printscreen
