Glumac Vojin Ćetković prisjetio se jedne anegdote koju je doživio sa legendarnim glumcem Mišom Janketićem.

“Kada se ozbiljno razbolio Miša Janketić, ja sam razgovarao sa njegovim ljekarom i pitao ga kako je Miša. On mi je rekao da je loše, da su mu pluća loša, a onda sam rekao da sam mislio da radi jednu predstavu. Ja ću iću po njega, dovoziću ga, odvoziću.. ‘Ali on puši’, kažem ja, a ljekar mi odgovara ‘Neka puši’. Ja kažem da on i pije rakiju, a ljekar kaže ‘Neka pije”, prisjetio se Vojin i dodao:

“Ja mislim da je on i živnuo od tada. Kako izađe na scenu osjeti se to, a drugo, uposlio je mozak i nije razmišljao samo o smrti, nije razmišljao samo o svojoj bolesti. A mi se bavimo takvim poslom koji zahtijeva duboku koncentraciju cijelog tijela”, kazao je Vojin Ćetković u jednoj emisiji, prenosi objektiv.rs.

On se osvrnuo i na svoju pasiju prema pecanju, koja ga prati od njegove pete godine.

“Volio sam da budem sam. Često sam odlazio na rijeku i spavao tamo kada sam ulazio u loše momente kada sam se preselio u Beograd”, kaže Ćetković, koji pecanje opisuje kao veoma intimnu stvar.

“Uglavnom pecam sa ljudima sa kojima pecam od rođenja. Moj drug i moj brat prolaze i po 200 kilometara da bismo pecali. U Beogradu imam Vanju Grbića, on mi ovdje prija u pecanju”, kaže poznati glumac.

Foto: Vojin Ćetković (Instagram)

“Pop Maca – Dželat s oreolom sveca” (II): Pismo Milete Sokovića Miši Janketiću