U improvizovanim komentarima za vrijeme privatne jutarnje mise u svojoj rezidenciji rekao je: “Skandal je govoriti jedno a činiti drugo. To je dvostruki život. Ima onih koji kažu: ‘Ja sam veliki katolik, uvijek idem na misu, pripadam toj i toj organizaciji'”, rekao je čelnik Katoličke crkve

Papa Franjo (Foto: Printscreen)

Papa Franjo ponovno je kritizikovao neke članove vlastite Crkve, sugerišući da je bolje biti ateista nego jedan od mnogih katolika koji, kako je rekao, žive licemjernim, dvostrukim životom.

U improvizovanim komentarima za vrijeme privatne jutarnje mise u svojoj rezidenciji rekao je: “Skandal je govoriti jedno a činiti drugo. To je dvostruki život. Ima onih koji kažu: ‘Ja sam veliki katolik, uvijek idem na misu, pripadam toj i toj organizaciji'”, rekao je čelnik Katoličke crkve koja obuhvata 1,2 milijardu članova, prema transkriptu vatikanskog radija.

Rekao je da bi neki od tih ljudi takođe trebali da kažu: “Moj život nije hriščanski, ne dajem zaposlenima primjerene plate, iskorišćavam ljude, vodim nezakonite poslove, perem novac, (vodim) dvostruki život. Ima puno katolika koji se tako ponašaju i izazivaju skandale. Koliko puta smo čuli da ljudi kažu: ‘Ako je takva osoba katolik, bolje je biti ateista'”, rekao je papa Franjo, prenosi N1.

Od svog izbora 2013, Franjo je često govorio katolicima, i sveštenicima i laicima, da praktikuju ono što im vjera propovijeda. U svojim često spontanim propovijedima on je seksualna zlostavljanja djece koje čine sveštenici uporedio sa ‘sotonističkim misama’, govorio da su katolici u mafiji sami sebe ekskomunicirali, a svoje vlastite kardinale upozoravao da se ne ponašaju kao da su ‘prinčevi’. Manje od dva mjeseca nakon izbora, Franjo je rekao da bi hrišćani trebali vidjeti ateiste kao dobre ljude ako čine dobre stvari.