Povodom najave Vlade da će ugasiti Montenegro Airlines, oglasio se predsjednik Crne Gore Milo Đukanović, koji je kazao da “ugasiti biznis je jednostavno i brzo, čak i nacionalnu avio kompaniju”.

Milo Đukanović (Foto: Printscreen)

“Ali može biti i veoma rizično i nepromišljeno, posebno u zemlji koja četvrtinu svog BDP stvara u turizmu, a koja nije iskoristila ni 50% svojih potencijala u toj djelatnosti. Neće ih ni iskoristiti bez lakše dostupnosti destinacije, a nje nema, između ostalog, i bez nacionalnog avio prevoznika. O tom našem nacionalnom, razvojnom interesu niko neće brinuti osim naše Vlade. Današnja odluka nije izraz takve brige. Prije bih rekao da je riječ o čistom populizmu, sa moguće nenadoknadivim štetama po nacionalnu ekonomiju”, napisao je Đukanović na Twitteru.