“Stiže nam još jedna generacija beranskih roda. Upravo svjedočimo hranjenju mališana. Možete ih pratiti uživo dok se migolje čekajući na svoju porciju žabica. Trenutno vodimo debatu i za sad je nerješeno da li imamo 2 ili 3 rodića u gnijezdu”.

Ovako su o novim beranskim rodama napisali iz Centra za zaštitu ptica (CZIP) na svojoj Facebook stranici.

Ipak, preduhitrio ih je beranski hroničar Adem Ado Softić, koji o rodama u Polimskoj izvještava od kada su se doselile u taj grad na sjeveru.

“Beranske bijele rode na najljepši mogući način obilježile su svoj Dan mladosti. Upravo se izlegao novi turnus malih bijelih roda Beranki. Prve goluždrave glavice otvorenog kljuna i zatvorenih očiju počele su danas provirivati iz njihovog gnijezda u Polimskoj”, napisao je juče Softić, uz predivnu fotografju rode koja hrani mladunče.