Ronioci Regionalnog ronilačkog centra iz Bijele iz rijeke Ljuče izvukli su tijelo muške osobe, kazao je “Vijestima” Danilo Mijajlović.

“Naši ronioci su pod okriljem noći iz rjeke Ljuce u Gusinju izvadili beživotno tijelo muške osobe. Tijelo se nalazilo na nepristupačnom terenu na tri metra dubine. U izvlačenju su nam pomogli pripadnici Službe zaštite i spasavanja Gusinja. Nakon izvlačenja, tijelo je predato nadležnim organima na dalje postupanje”, rekao je Mijajlović, prenose Vijesti.

On je dodao da su ronioci večeras došli u Gusinje, nakon što je njihovu pomoć tražila tamošnja Služba zaštite i spasavanja.