Potraga za trinaestogodišnjim Vasilijem Gardaševićem uspješno je okončana, potvrdio je Radio Cetinju načelnik Službe zaštite i spašavanja Prijestonice Cetinje, Miloš Ćećanović.

“Dječak je nađen u naselju Škrka. Nije povrijeđen. Našao ga je naš sugrađanin koji je tuda prolazio s psom. Vidio je sklupčanog dječaka i odmah nas kontaktirao. Ovim putem zahvaljujemo pripadnicima Komunalne policije i svim građanima koji su, čim je javljeno da je nestalo dijete, pritekli u pomoć našoj ekipi”, kazao je Ćećanović, prenosi Cetinjski list.

U potrazi za dječakom učestvovale su Služba zaštite i spašavanja Prijestonice Cetinje, cetinjska policija, Komunalna policija i brojni građani Cetinja.

Foto: Cetinjski list