U moru emisija koje postoje na televizijama širom svijeta sasvim je logično da postoji i ona u kojoj ljudi testiraju koliko šta boli.

Kings of Pain je dvojac pustolova koji raznim životinjama dopušta da ih grizu i ubadaju, a nakon seanse vrištanja u bolovima s publikom dijele kako im je bilo.

Ovog puta odlučili su da probaju koliko boli ugriz dva metra dugog pitona. Australijanac Adam Torn, jedan od voditelja emisije, vrištao je u bolovima kad se golema zmija zubima zakačila za njegovu ruku.

Kako situacija ne bi eskalirala, na lice i prepone je, ipak, navukao zaštitnu masku i štitnik. Dok je on urlao, kovoditelj Rob Aleva je pokušao da odvuče zmiju od njega. 

Na kraju je uspio, a njegov kolega ostao je sa golemom ranom na ruci, koju je trebalo šiti. Nastradao je i Rob, kojeg je zmija u povlačenju takođe ugrizla.

“Kings of Pain” je neskriptovana emisija History Channela u kojoj biolog Adam i ljubitelj životinja Rob putuju svijetom i istražuju ugrize i ubode. Kako bi mjerili bolove, razvili su skalu od 30 stepeni, a konačnu ocjenu daju na temelju intenziteta ugriza, trajanja i štete koju je nanio.

Cilj im je da gledaoce poduče koje bi životinje u svakom slučaju trebali izbjegavati, piše Index.hr.