Spomenik četničkom komandantu iz Drugog svjetskog rata i ratnom zločincu Pavlu Đurišiću prebačen je prije nekoliko dana u konak manastira Đurđevi stupovi, saznaju “Vijesti”.

U srijedu je u magazinu “Oko” na Radio televiziji Srbije (RTS) navedeno da je spomenik Đurišiću prenijet u manastir Đurđevi stupovi.

Spomenik Đurišiću postavljen je 7. avgusta (četvrtak) u Gornjem Zaostru kod Berana, dan kasnije otkrio ga je mitropolit budimljansko-nikšićki Metodije, a statua je uklonjena istog dana u poslijepodnevnim satima. Nezakonito obilježje tada su sklonili mještani po, kako su tvrdili, “prethodnom dogovoru s policijom”. Đurišićeva statua, pišub “Vijesti”, prebačena je tada u Crkvu Svete mati Paraskeve, a nedležna inspekcija je, uz asistenciju policije, naknadno srušila postament obilježja.

Foto: Screenshot/RTS